दत्तशिखर मठसंस्थेवर शोककळा; मधुसूदनजी महाराज मालक भारती यांचे देहावसान, श्याम महाराज भारती नवे मठाधिपती

 अशोक पाटील तेलंग

लोकप्रिय न्यूज नेटवर्क 

पेठवडज : समाजाच्या जडणघडणीत आणि विद्यार्थ्यांच्या व्यक्तिमत्त्व विकासात महिलांचे योगदान अत्यंत महत्त्वाचे मानले जाते. शिक्षणाच्या माध्यमातून संस्कारांची ज्योत पेटवणाऱ्या या स्त्रीशक्तीचा गौरव करण्यासाठी ८ मार्च रोजी जागतिक महिला दिन निमित्त पेठवडज येथील परफेक्ट इंग्लिश स्कूलमध्ये एक विशेष सन्मान सोहळा आयोजित करण्यात आला. या प्रसंगी शाळेत कार्यरत असलेल्या तब्बल ३४ महिला कर्मचाऱ्यांचा आदरपूर्वक सत्कार करण्यात आला.

या उपक्रमाचे आयोजन संस्थेचे सचिव आदरणीय गोविंद सर केंद्रे यांच्या संकल्पनेतून करण्यात आले. महिला दिनाच्या औचित्याने शिक्षण क्षेत्रात निस्वार्थपणे कार्य करणाऱ्या महिलांच्या कर्तृत्वाचा गौरव करण्याचा हा प्रयत्न असल्याचे यावेळी नमूद करण्यात आले.

कार्यक्रमाची सुरुवात शाळेच्या दोन्ही मुख्याध्यापिका अनुराधाताई पवार आणि रेखाताई पोतदार यांच्या सन्मानाने झाली. शाळेतर्फे त्यांना शाल आणि पुष्पगुच्छ देऊन आदरपूर्वक गौरविण्यात आले. त्यांच्या मार्गदर्शनाखाली शाळेची शैक्षणिक आणि सांस्कृतिक वाटचाल अधिक सक्षमपणे सुरू असल्याचे यावेळी सांगण्यात आले.

यानंतर दोन्ही मुख्याध्यापिकांच्या हस्ते शाळेतील सर्व महिला शिक्षक तसेच सेविका यांचा सन्मान करण्यात आला. विद्यार्थ्यांना ज्ञान देतानाच संस्कारांची जपणूक करण्याचे महत्त्वपूर्ण कार्य या महिला कर्मचाऱ्यांकडून सातत्याने केले जात असल्याने त्यांच्या कार्याचे सर्वत्र कौतुक करण्यात आले.

या सन्मान सोहळ्यामुळे शाळेच्या परिसरात एक वेगळेच प्रेरणादायी वातावरण निर्माण झाले. महिलांच्या समर्पण, कर्तव्यनिष्ठा आणि मेहनतीचा गौरव करत उपस्थितांनी त्यांना शुभेच्छा दिल्या. विद्यार्थ्यांच्या उज्ज्वल भवितव्यासाठी निस्वार्थपणे कार्य करणाऱ्या या महिला शिक्षक व सेविकांचे योगदान खरोखरच समाजासाठी आदर्श असल्याचे मत व्यक्त करण्यात आले.

महिला दिनानिमित्त आयोजित करण्यात आलेला हा सन्मान सोहळा केवळ औपचारिक कार्यक्रम न राहता स्त्रीशक्तीच्या कार्याचा गौरव करणारा आणि समाजाला प्रेरणा देणारा ठरला. या उपक्रमामुळे परफेक्ट इंग्लिश स्कूल, पेठवडज येथे कार्यरत असलेल्या सर्व महिला कर्मचाऱ्यांच्या कार्याला योग्य तो सन्मान मिळाला