भाजप नेत्यांवर आरोप
लोकसभा अर्थसंकल्पीय अधिवेशनात गोंधळ प्रकरणी मंगळवारी आठ विरोधी खासदारांना निलंबित करण्यात आलं. पडोळे म्हणाले, "आम्ही जनतेचे प्रश्न मांडतो, तेव्हा कागद फाडण्याचा आरोप. पण भाजप नेते सभागृहात अनपार्लमेंटरी शब्दांचा वापर करतात. रेकॉर्ड बघा, त्यांच्यावर कधी कारवाई झाली नाही?"
विरोधकांना बोलू देत नाहीत
"विरोधकांना सभागृहात बोलू देत नाहीत. राहुल गांधी किंवा आम्ही जनतेच्या सुरक्षेचे मुद्दे उपस्थित करू शकत नसू तर लोकसभा कशासाठी?" असा सवाल पडोळेंनी उपस्थित केला. गोसेखुर्द प्रकल्प बाधितांसाठी प्रियंका गांधींनी पाठिंबा दिल्याचं सांगत ते म्हणाले, "आम्ही लढत राहू. मोदी सरकारला सांगतो - जनतेच्या प्रश्नांसाठी फासावर चढायला तयार आहोत."
लोकसभेत पीठासीन अधिकारी दिलीप सैकिया यांनी सांगितल्याप्रमाणे, निलंबित खासदारांनी अध्यक्षांकडे कागद फेकले आणि गोंधळ घातला होता.
Post a Comment